Mẹ́sàn-án lára àwọn adẹ́tẹ̀ tí Jésù wò sàn bá tiwọn lọ. Àmọ́, ọ̀kan nínú wọn tó jẹ́ ará Samáríà pa dà lọ bá Jésù. Kí nìdí tó fi pa dà? Ó mọyì ohun tí Jésù ṣe fún un gan-an. Ṣe ló “gbóhùn sókè, ó [sì] yin Ọlọ́run lógo,” torí ó mọ̀ pé Ọlọ́run ló wo òun sàn. (Lúùkù 17:15) Nígbà tó rí Jésù, ó kúnlẹ̀ síwájú ẹ̀, ó sì ń dúpẹ́.

Bí Jésù ṣe wo àwọn adẹ́tẹ̀ mẹ́wàá náà sàn fi hàn pé Jèhófà Ọlọ́run wà lẹ́yìn rẹ̀. Kì í ṣe pé ọkùnrin yìí rí ìwòsàn nìkan ni, ó tún ṣeé ṣe kó di ọmọ ẹ̀yìn Jésù kó lè rí ìyè. Bó tiẹ̀ jẹ́ pé lásìkò wa yìí, Ọlọ́run ò lo Jésù láti ṣe irú àwọn iṣẹ́ ìyanu bẹ́ẹ̀ mọ́. Síbẹ̀, tá a bá nígbàgbọ́ nínú Jésù, a lè rí ìyè àìnípẹ̀kun. Àmọ́ ṣé a máa ń fi hàn pé a moore bíi ti ọkùnrin ará Samáríà yẹn?