Irapada Tí Ó Ṣérẹ́gí

10. Eeṣe ti awọn ìrúbọ ẹran ko fi lè to lati bo awọn ẹṣẹ aráyé?

¹⁰ Awọn ọ̀rọ̀ ti a ṣẹṣẹ mẹnukan tan yii ṣapejuwe pe irapada kan gbọdọ jẹ alabaadọgba eyi ti o dípò, tabi ki o kájú rẹ̀. Ẹbọ ẹran tí awọn ẹni igbagbọ bẹrẹ lati ori Abeli siwaju fi rubọ ko le bo ẹṣẹ eniyan niti gidi, niwọnbi awọn eniyan ti galọla ju awọn ẹranko ẹhànnà aláìlè ronu. (Saamu 8:4-8) Nipa bayii Pọọlu le kọwe pe “Ko ṣeeṣe fun ẹ̀jẹ̀ akọmaluu ati ti ewurẹ lati mu ẹṣẹ kuro.” Iru awọn ẹbọ bẹẹ wulẹ lè ṣiṣẹ gẹgẹ bi bibo ẹ̀ṣẹ̀ lọna iṣapẹẹrẹ, tabi lọna aworan ni ifojusọna fun irapada naa ti nbọ.—Heberu 10:1-4.

11, 12. (a) Eeṣe ti ẹgbẹẹgbẹrun lọna àràádọ́ta ọkẹ awọn eniyan ko fi nilati ku iku ìrúbọ lati bo ipo ẹṣẹ aráyé? (b) Ẹnikan ṣoṣo wo ni o le ṣiṣẹ gẹgẹbi “irapada ṣiṣerẹgi kan,” ki si ni ète ti iku rẹ ṣiṣẹ fun?

¹¹ Irapada ti a fi ojiji rẹ han ṣaaju yii nilati jẹ alabaadọgba Adamu gan-an, niwọnbi idajọ ìjìyà iku tí Ọlọrun ṣe fun Adamu lọna ti o ba idajọ ododo mu ti yọrisi idalẹbi iku fun iran eniyan. ‘Ninu Adamu gbogbo eniyan nku,’ ni 1 Kọrinti 15:22 wi. Nitori naa, ko pọndandan fun ẹgbẹẹgbẹ̀rún lọna àràádọ́ta ọ̀kẹ́ eniyan lẹnikọọkan lati ku iku irubọ lati ṣerẹgi pẹlu ọmọ Adamu kọọkan. “Nipasẹ ọkunrin kan [Adamu] ẹṣẹ wọnu aye ati iku nipasẹ ẹṣẹ.” (Roomu 5:12, NW) Ati “niwọnbi iku ti jẹ nipasẹ ọkunrin kan,” ìtúnràpadà araye tun le wa “nipasẹ ọkunrin kan.”—1 Kọrinti 15:21.

¹² Ẹni ti o le jẹ irapada naa nilati jẹ eniyan ẹlẹran ara ati ẹ̀jẹ̀ pipe—alabaadọgba rẹ́gí Adamu. (Roomu 5:14) Ẹda ẹmi kan tabi “Ọlọrun-eniyan” kan ko le mu ìwọ̀n idajọ ododo duro déédéé. Kiki eniyan pipe, ẹnikan ti ko si labẹ ìdájọ́ iku Adamu, ni o le pese “irapada ṣíṣerẹ́gí kan,” ọkan ti o ṣerẹ́gí lọna pipe pẹlu Adamu. (1 Timoti 2:6)a Nipa fífínúfíndọ̀ fi ẹmi rẹ rubọ, “Adamu ìkẹhìn” yii le san owó ọ̀yà fun ẹ̀ṣẹ̀ “Adamu ọkunrin iṣaaju.”—1 Kọrinti 15:45; Roomu 6:23.