Ẹ Wá Àwọn Ẹni Yíyẹ Kàn

1. Kristi kọ́ wa bá a ṣe máa fòótọ́ kọ́ni

Àti bí a ó ṣe máa wàásù.

Ó sọ pé: ‘Ẹ wá àwọn ẹni yíyẹ

Tó ṣe tán láti kẹ́kọ̀ọ́ òótọ́.

Tẹ́ ẹ bá délé kan, kí ẹ kọ́kọ́ kí wọn,

Kí ẹ bá wọn sọ̀rọ̀ àlàáfíà.

Ṣùgbọ́n tí wọ́n bá sọ pé àwọn ò gbọ́,

Ẹ kúrò, ẹ lọ síbòmíràn.’

2. Ẹ bá àwọn tó tẹ́wọ́ gbà yín sọ́rọ̀;

Ẹ kọ́ wọn lẹ́kọ̀ọ́ òtítọ́.

Wọ́n máa gbọ́ torí pé wọ́n lọ́kàn tó dáa.

Láìpẹ́, àwọn náà yóò wá sin Jáà.

Má ṣe dààmú torí ohun tó o máa sọ;

Jèhófà yóò fi sí ọ lẹ́nu.

Tó o bá ń sọ̀rọ̀ tó dáa, tó ń tuni lára,

Yóò mú kí onírẹ̀lẹ̀ fẹ́ gbọ́.