ZINGILA MU BUKLISTO
Thangu Mbi Yilenda Sadila Buka Nsadisi wu Mintwami Ntwala?
Tempelo yi kimona meso ki Yehezekli yinsundula ti dikabu di Yave bala kukivana mwingi kunkabila mu khambu kukwiku. Diawu, bwidi kadika mutu bubu kalenda kukivanina mu kuzitisa Yave mu kisalu ki kusamuna?—Ebeleo 13:15, 16.
Phila yilutidi yi kuvangila mawu yidi mu kusala buka nsadisi wu mintwami ntwala. Mvu 2018 widi zingonda ziwombo zidi sabala ntanu. Mawu mala sadisa zikhomba bansalanga kadika kilumbu ayi bansamunanga to mu kisabala ayi kilumingu. Baveka balenda sola ti bala sala buka minsadisi mi mintwami ntwala mwingi bavana 30 di thangu voti 50 mu ngonda Yintatu, Yinna ayi mu ngonda nkhulutu wu kizunga kala kwiza mu kimvuka.
Mbi tulenda vanga boti twisi ko bu kusadila buka nsadisi wu mintwami ntwala? Kheti twisinsala ko buka nsadisi wu mintwami ntwala, tulenda kwitu vanga mangolo mwingi tusamuna mu phila tunnungina. Bila luzolo lwitu mu Yave lwala ku tuvanga kunsadila mu phila yilutidi mu mvu 2018!—Hosea 14:2.
Bwidi yilenda landikinina kifwani ki kifuza ki Sabina Hernández
TALANU VIDEO YINTUBA MU LUSALUSU LU YAVE, YILENDA VANGA MAMBU MAWOMBO, BOSI VANA MIMVUTU MI BYUVU ABIBI:
Mbi bivanga Sabina kabwela mangolo mandi mu kisalu ki Yave?
Bwidi kifwani ki Sabina ki kukindisila?
Mu mvu 2018, ngonda mbi ngye wulenda sala buka nsadisi wu mintwami ntwala?