Internet—Keba Kubwa mu Mintambu

KIBILA MBI DIDI NKIZA: Buka bisalulu binkaka, internet mvandi yilenda tusadisa voti kutu zimbisa. Baklisto bankaka basola kuawu kumanga sadila internet. Vayi bankaka bansadilanga internet mwingi kukoluka na dikanda voti bakundi. Vayi nkadi’ampemba tidi tusadila internet mu phila yimbi yilenda bivisa dizina ditu ayi kiphevi kitu. Dedi Yesu, tulenda sadila minswa midi mu Dyambu di Nzambi mwingi tuzaba kubakula mambu mbi malenda kutu tula va kingela ayi bwidi bu kutinina mawu.​—Luka 4:4, 8, 12.

MINTAMBU TUFWETI TINA:

• Kuvyokisa kitezu voti thangu yiwombo mu kusadila internet. Kuvyokisa beni thangu mu internet voti mu byuma binkaka, kulenda tuvanga kubunga thangu tufweti sadila mwingi kuvanga mambu ma kiphevi.

  Minswa mi Kibibila: Efeso 5:15, 16; Filipi 1:10

• Kumona mambu makhambu fwana. Kuba kifu ki kumonanga zifoto zimmonisa kitsuza, kulenda tuvanga tuba kifu ki kumona zivideo zi kitsuza voti kuvanga mawu. Kutanganga mambu batu babika kimvuka ki Yave ayi bantomba kuvukumuna bankaka bansonikanga, malenda dekula kiminu kitu.

  Minswa mi Kibibila: Matai 5:28; Filipi 4:8

• PKutula mu internet zifoto voti kusonika mambu makhambu fwana. Mu kibila ki ntim’itu wutuvunanga, mutu kalenda bwa mu ntambu wu kusonika voti kutula zifoto zikhambu fwana mu internet. Vayi, mambu amomo malenda bivisa dizina di mutu wunkaka voti kuvanga nandi kasumuka.

  Minswa mi Kibibila: Loma 14:13; Efeso 4:29

TALANU VIDEO BA DYELA MU KUSADILA INTERNET, BOSI VUTUKILANU KUMONA BWIDI TULENDA BELA KEBA KEBA MU MAMBU MANLANDAKANA: