Matoko—Muba ‘Kifuza ki Kuvanganga Mambu Mamboti’

Mu nkanda kasonikina Tito, Mvuala Polo wunkamba ti matoko moso kubunda mvandi naveka Tito, bafueti vanga mangolo muingi kuba ‘kifuani mu mambu mambote.’ (Tito 2:6, 7) Kuntuala mu kapu beni, Polo wumonisa ti dikabu di Yave didi divedusu muingi diba ‘kifuza ki kuvanganga mambu mamboti.’ (Tito 2:14) Kimueka mu mambu beni kidi, kusamuna ayi kulonga matedi Kintinu ki Nzambi. Boti ngie widi ditoko, wulenda sadila mangolo maku muingi wusadila buka nsadisi voti ntuami ntuala mu kimvuka?—Zingana 20:29.

Boti wutidi kusala buka ntuami ntuala, dedikisa buboti thangu’aku muingi wununga. (Luka 14:28-30) Wukiyuvusa: buidi yinkuiza yizingisila miveka bo yinkota mu kisalu ki thangu ka thangu? Buidi yinkuiza nungina kudukisa bilokulu bintombolo? Diawu, dinda Yave kakusadisa muingi wununga. (Minkunga 37:5) Yoluka na matata maku matedi makani widi ayi na zikhomba babaka ndandu mu kusala buka mintuami ntuala. Bosi, baka nzengolo muingi kunungisa makani beni. Ngie kuvanga mawu, Yave wala sakumuna mangolo moso wumvanga mu kisalu kiandi.

WTALA VIDEO MATOKO MANZITISA YAVE, A BOSI VANA MIMVUTU MI BIUVU BINLANDA:

• Bikaka mbi bankaka baviokila muingi kusala buka mintuami ntuala, ayi buidi banungina kuvanga mawu?

• Buidi matata balenda sadisila bana bawu muingi baba mintuami ntuala?

• Kibila mbi didi diambu dinkinza kuba thuadusulu yimbote yi kisaku ki kusamuna?

• Buidi zikhomba mu kimvuka balenda kindisila ayi sadisila mintuami ntuala?

• Lusakumunu mbi baboso bansala buka mintuami ntuala bambakanga?