Kisalu Kimfunu ki Kusamunina mu Mangumba Muingi Kuyamikisa Kintinu ki Nzambi mu Ngonda Kumi Yimueka

Yesu wusamuna ‘zitsangu zimboti zi Kintinu Ki Nzambi’. (Luka 4:43) Nandi mvandi wulonga batu basambilanga muingi Kintinu beni kiza. (Matai 6:9, 10) Mu Ngonda Kumi Yimueka, tuala vanga kisalu kimfunu muingi kuyamikisa Kintinu ki Nzambi. (Matai 24:14) Kubama buboti muingi wubaka bu kubuedila mioko mu kisalu akiokio. Baboso bala vanga kisalu ki minsadisi mi mintuami ntuala bala baka luaku lu kuvanga to 30 voti 50 di bilokolu kadika Ngonda.

Vanga mangolo muingi kutangila batu bawombo va kizunga kiaku matangu ma Kibibila mantubila matedi Kintinu ki Nzambi. Bo wunyindula lutangu mbi wunkuiza tangila mutu, buboti beni kuyindula mvandi matedi kinganga kiandi. Na kuvua nkinza, mvana Kibanga Ki Nsungi No. 2 mvu 2020. Bosi fika vutukila mutu beni ayi boti kuba tona ndongukulu yi Kibibila mu kusalila Kilongulu kimueka Tunsalilanga Muingi Kulonga. Thangu yiluelu yisiedi muingi Kintinu ki Nzambi kibunga mintinu mioso mikhambu kuntumukinanga. (Danieli 2:44; 1 Kolinto 15:24, 25) Diawu sadila luaku alolo muingi wumonisa lukuikumunu luaku kuidi Yave ayi mu Kintinu kiandi!