Zabikisa Zitsangu Zimboti ti Nza Yimona Yanbelama Kuiza!

Mu ngonda yi kumi yimueka, tunkuiza vanga mangolo muingi kuzabikisa batu ti, nza yimona yambelama kuiza. (Minkunga 37:10, 11 Nzaikusu 21:3-5) Yindula buidi wulenda dekudila thangu’aku muingi kukivana mu kisalu akiokio kimfunu. Ngie kuwuesa nkada muingi wusadila banga nsadisi wu mintuami-ntuala mu ngonda kumi yimueka, wunkuiza baka luaku lu kusola kuvanga 30-voti 50 di bilokolo.

Kubama muingi wubaka bu kuzabikisa batu matangu ma kibibila mantubila matedi nza yimona. Bo wunkubika matangu fiongunina mambu mbi wunkuiza tuba muingi kuyinkuna mabanza ma batu va kizunga kiaku. Mu kimbangi kitheti, mutu na kuvua nkiza zitsangu zimboti, nkabila Kibanga ki Nsungi No. 2 2021. Na kutatamana kuvua nkiza tona ndongukulu yi Kibibila mu kusadila mua buku Baka Mayangi ma Mvu ka Mvu! Didi diambu di mayangi kuzabikisa batu zitsangu zimboti zitedi mambu mamboti mankuiza.”—Yesaya 52:7.

TALANU VIDEO YI NKUNGA NZA YIMONA YINKUIZA, AYI VUTULANU MIMVUTU MI BIUVU BINLANDA:

• Mambu mbi mamboti muana tube mona mu video kafina yindula?

• Mambu mbi mamboti ngie wumvingila kumona mu nza yimona?

• Buidi kuyindula mu kivuvu widi kuala kusadisa kukivana mu kisalu kimfunu kinkuiza vangama mu ngonda yinkuiza?—Luka 6:45