Ngie Wuntomba Kuwesa Nkanda Muingi Wukota Kikola ki Minsamuni mi Kintinu?

Ngie widi 23 nati 65 ma mimvu ayi widi mu kisalu ki thangu ka thangu? Ngie widi buvinya bumboti ayi widi wukubama muingi kusadila kuma kulutidi tsatu? Boti mvutu’aku mu biuvu abiobio widi ngete, buna, buidi wumuena diyindu di kuwesa nkanda muingi wukota Kikola ki Minsamumi mi Kintinu? Tona bazibula kiawu, zikhomba ziwombo zi babakala ayi zi bakieto bamana kota kiawu. Bawombo mu bawu badi bakuela ayi bankaka basiko bakuela. Vayi banluta tumisanga zikhomba bakhambulu bakuela. Dinda Yave ka kusalisa kunkuangidika ayi ka kusadisa wulandakana kifuani ki muan’andi. (Minkunga 40:8; Matai 20:28; Ebeleo 10:7) Bosi dekula thangu wumvangilanga biuma binkaka muingi wuba wukubama.

Luaku mbi zikhomba bankotanga kikola akiokio bambakanga ba kumana kukota kiawu? Bawombo ba kuba filanga mu bibuangu bankolukanga zimbembu zinkaka. Bankaka ba kuba filanga mu bibuangu bidi beni batu muingi kuvana kimbangi ki baboso. Bankaka ba kuba biekanga minsadisi mi minkengididi mi bimvuka, minkengididi mi bimvuka voti minsioni. Bo wunyindula mambu wulenda vanga mu kisalu ki Yave, tukukindisa wuba mayindu mbikudi Yesaya kaba: “Minu Kawu! Thuma!”—Yesaya 6:8.

TALA VIDEO MINSIONI BAKIVANA MU KISALU KI KUSAMUNA, BOSI VANA MIMVUTU MI BIUVU BINLANDA:

• 

  Buidi bansodilanga minsioni?

• 

  Kisalu mbi kimboti zikhomba zidi mu kisalu ki minsioni badi mu kuvanga?

• 

  Lusakumunu mbi zikhomba badi mu kisalu ki minsioni bantambulanga?