Matoko—Zabikis’anu Mabaza Minu Kuidi Matata Minu

Kibila mbi didi diambu dinkinza kuzabikisanga mayindu maku kuidi matata maku? (Zingana 23:26) Kibila Yave wu bavana kiyeku ki kumukieba ayi kumutuadisa. (Minkunga 127:3, 4) Dinkuiza ba diambu diphasi matata minu kumusadisa benu kuba kifu ki kusuekanga mambu. Mvandi munkuiza zimbisa luaku lu kuzaba buidi bu kunatina luzingu. Didi diambu dimbi kulundanga mambu ma luzingu luaku? Khumbu zinkaka ndamba—vayi ba keba keba muingi wubika kubavunanga.—Zingana 3:32.

Buidi wulenda kolukila na matata maku? Yindula thangu yifuana wulenda vangila mawu. Boti didi diambu diphasi kuidi ngiewu, meka ku basonikina mabaza maku mu mua nkanda. Vayi boti matata maku bantomba kukoluka yaku matedi mambu ngie wukhambu zolanga kutuba? Tebuka moyo ti bawu bantomba kukusadisa. Tadila matata maku dedi bakundi bakana ko zimbeni. Mangolo moso wumvanganga muingi kukoluka na matata maku mala kusadisa mu luzingu luaku loso—voti mu mvu ka mvu!—Zingana 4:10-12.

TALANU VIDEO LUZINGU LU MATOKO—BUIDI BU KUKOLUKILA NA MATATA MAMI? BOSI VANANU MIMVUTU MI BIUVU BINLANDA:

• 

  Mbi Ester ayi Patricio bakikinina mu matedi baveka?

• 

  Mbi wulenda longuka mu kifuani ki Yesu?

• 

  Buidi matata maku bammonisinanga ti bakuzolanga?

• 

  Minsua mbi mi Kibibila milenda kusadisa kukoluka na matata maku mu phila yimboti?