Mbi Ngie Wufueti Vanga Muingi Kutuadisa Mayangi va Dikanda?

Yave wuntomba makanda moso baba mayangi. (Minkunga 127:3-5; Phovi 9:9; 11:9) vayi mu kibila ki ziphasi mu nza ayi zinzimbala zi basi dikanda, mayangi mitu malenda dekuka. Mbi kadika mutu kafueti vanga muingi kutuadisa mayangi va dikanda?

Nnuni kafueti zitisa nkazi’andi. (1 Petelo 3:7) Nandi kafueti viokisanga thangu na nkazi’andi. Kafueti monisa ti wumvuanga nkinza nkazi’andi ayi mambu moso ka kumvangilanga ayi kamvangilanga kuidi dikanda. (Kolosai 3:15) Mvandi, kafueti monisa ti wunzolanga nkazi’andi ayi kafueti kunhunganga.​—Zingana 31:28, 31.

Nkazi kafueti tomba ziphila zi kubuedila mioko nnuni’andi. (Zingana 31:12) Nandi kafueti kinzikanga nnuni’andi ayi kuntumukina. (Kolosai 3:18) Mvandi kafueti tubilanga buboti nnuni’andi ayi kukolukanga yandi mu lukinzu.​—Zingana 31:26.

Matata bafueti viokisanga thangu na bana bawu. (Detelomonio 6:6, 7) Bawu bafueti kambanga bana bawu ti ba kuba zolanga. (Matai 3:17) Bo bansemba bana bawu, bafueti vangilanga mawu mu luzolo ayi mu nduenga.​—Efeso 6:4.

Bana bafueti kinzikanga ayi kutumukina matata mawu. (Zingana 23:22) Bawu bafueti zabikisa mayindu ayi mabanza mawu kuidi matata. Bawu bafueti kikinina tsembolo ayi kukinzika matata mawu.​—Zingana 19:20.

TALANU VIDEO BAKA MAYANGI VA DIKANDA, AYI VANANU MVUTU WU KIUVU KINLANDA:

• Mbi kadika mutu va dikanda adiodio, kabe vanga muingi kutuadisa mayangi va dikanda?