“Tsembolo—Mbonosono yi Luzolo lu Yave”

Kusemba kunsundula kutuadisa ayi kulonga. Vayi khumbu zinkaka kulenda sundula kukandimina voti kukuimina biuma mutu kaba nsua. Yave wutu sembanga muingi tumbuongimina mu phila yisulama. (Loma 12:1; Ebeleo 12:10, 11) Thangu zinkaka tulenda mona phasi kukikinina tsembolo vayi yawu yintuadisanga busonga ayi lusakumunu luwombo. (Zingana 10:7) Mambu mbi batu bamvananga ayi bantambulanga tsembolo bafueti tebukanga moyo?

Batu bamvananga. Bakulutu ba kimvuka, matata, ayi zikhomba zinkaka, vanganganu mangolo ma kuvananga tsembolo mu phila yimboti ayi mu luzolo dedi bo Yave kamvangilanga. (Yelemia 46:28) Kheti tsembolo beni yidi yingolo, yawu yifueti vanu mu kutadila zitsatu zi mutu ayi mu luzolo.—Tito 1:13.

Bantambulanga tsembolo. Yoso kuandi phila ba tusembila tubika kubayisa yawu, vayi tufueti vanga mangolo muingi tufika sadila yawu. (Zingana 3:11, 12) Bo tuidi batu ba masumu, vantombuluanga ba tuvana tsembolo; ayi yawu yilenda kuizila mu ziphila ziviakana. Tulenda tambudila tsembolo mu mambu tuntanga mu Kibibila ayi mu mambu tunkuwa mu zikhutukunu. Voti thangu zinkaka vantombuluanga muingi ba tusemba kuidi dingumba di lufundusu. Kutumukina tsembolo kulenda vukisa luzingu luitu.—Zingana 10:17.

TALANU VIDEO ‘YAVE WUNSEMBANGA BABOSO KANZOLANGA’ BOSI VANANU MIMVUTU MI BIUVU BINLANDA:

• 

  Buidi luzingu lu yaya Canon lutonina ayi buidi luyiza balukila?

• 

  Buidi Yave kansembila mu luzolo?

• 

  Mbi tulenda longuka mu kifuani kiandi?