Tummonisanga Luzolo mu Kuvitika Tsembolo yi Yave

Kuvayikusu kunkiebanga kimvuka ayi mutu bevayikusu. (1 Kolinto 5:6, 11) Tummonisanga luzolo mu kuvitika tsembolo yi Yave. Buidi mawu malenda bela, mu kuzaba ti kuvayikusu kuntuadisanga kiunda kuidi batu bankaka, bulutidi beni kuidi basi dikanda ayi dingumba di lufundusu?

Ayi bulutidi, bo tumvanga mawu tummonisanga luzolo mu Yave ayi zithuadusulu ziandi zisonga. (1 Petelo 1:14-16) Mvandi tummonisanga luzolo kuidi mutu bevayikusu mu kimvuka. Kheti tsembolo yintuadisanga kiunda, vayi ‘yintuadisanga luzingu lusonga luntualanga ndembama.’ (Ebeleo 12:5, 6, 11) Befu kumanga kuzenga kinkundi na mutu wuvayikusu mu kimvuka voti wubika kimvuka, mawu malenda monisa ti tusa vitika ko tsembolo yi Yave. Tufueti tebukanga moyo ti Yave wunsembanga dikabu diandi ‘mu kitezu kifuana.’ (Yelemia 30:11) Befu kuvitika tsembolo yi Yave mu kuba kiphevi kimboti, tuala ba lufiatu ti mutu beni kalenda vutuka mu mioko mi Tat’itu nkua kiadi.—Yesaya 1:16-18; 55:7.

TALA VIDEO TATAMANA WUKUIKAMA MU NTIM’AKU WOSO, BOSI VANANU MIMVUTU MI BIUVU BINLANDA:

• 

  Kiunda mbi matata balenda mona boti muan’awu wumbika kimvuka?

• 

  Buidi kimvuka balenda buedila mioko dikanda dibeki mutu bavayikusu mu kimvuka?

• 

  Kifuani mbi ki Kibibila kimmonisa ti luzolo tuidi mu Yave lufueti luta ba lungolo kena luzolo tuidi kuidi dikanda ditu?

• 

  Buidi tulenda monisina ti lukuikumunu tuidi mu Yave lulutidi kena lo tudi kuidi dikanda ditu?