Sadila Mambu Mammonika va Kizunga Kiaku mu Kisalu ki Kusamuna

Yesu waba sadilanga mambu maba monikanga mu thangu’awu muingi kulonga bankaka malongi mankinza. (Luka 13:1-5) Ngie mvaku wulenda sadila mambu madi mu kumonika mu bilumbu abibi, muingi kulonga bankaka matedi Kintinu ki Nzambi. Ngie wulenda tonina masolo mu kusadila mambu matedi luzingu, bivuka, kukhambu ku ndembama, bifu bimbi voti mambu mankaka. Dedi ngie wulenda kuvula mutu: “Buidi wummuena. . . biala mana?” voti “Mu mbuenu’aku nani wulenda manisa . . . ?” Bosi wulenda kuntangila matangu ma Kibibila mamvana mvutu wu kiuvu beni. Boti mutu bevua nkinza wulenda kummonisina video voti kunkabila kilongulu kidi mu Bilongulu Tunsadilanga Muingi Kulonga. Bo tumvanga mangolo muingi tunyikuna mintima mi batu badi va kizunga kitu, tufueti vangila “mambu moso mu kibila ki zitsangu zimboti.”—1 Kolinto 9:22, 23.

Mambu mbi batu va kizunga kiaku balenda vua nkinza?