Kubika Mayindu Maku Ava Wutona Kulonguka

Buidi tulenda kubimina muingi kulonguka. ‘Befu tukikuvusanga mbi yintomba kulonguka?’ Tufueti ba keba keba, muingi mayindu mitu mabika tutula nkanku mu mambu Yave ka tulonga. Buidi tulenda tatiminina kukubika mayindu mitu bo tunlonguka?

Sambila muingi wubaka nduenga. Sambila muingi Yave ka kusadisa kuvisa mambu wuntomba kulonguka. (Tia. 1:5) Bika kukuangalala to mu mambu zabizi.—Zinga. 3:​5, 6.

Bika diambu di Nzambi di kubalula. “Diambu di Nzambi didi dimonyo.” (Ebe. 4:12) Tulenda baka ndandu mu “diambu” di Nzambi, mu kutadila thangu tuntangila diawu. Vayi tulenda bakila to mawu ndandu befu kukikulula ayi kukikinina mambu Nzambi ka tulonga.

Vutula matondo mu yoso kua phila Yave kansadila muingi ku kulonga. Bidia biandi bi kiphevi bidi buka ‘nkungi wudi bidia bimboti.’ (Yesa. 25:6) Bika kusombuka mambu mo ngie wummuena ti masi kutuadisa ko ndandu. Ngie kuvanga mawu Yave wala kusadisa kuba mutu wu mamboti ayi wala zola kulonguka!