Mambu Malenda Kusadisa Kutebukila Moyo Mambu Belonguka

Dedi bawombo mu befu, ngie wulenda mona phasi kutebuka moyo mambu belonguka. Vayi ngie wumonanga ko phasi kutebukila moyo bifuani Yesu kasadila muingi kulonga. Ngie wulenda yindula biawu ayi ku bitebukila moyo. Bobuawu mvandi, yindula mu bifuani wulenda tebukila moyo bo wunlonguka. Buidi wulenda vangila mawu? Yindula bifuani bo wunlonguka.

Batu bamfikulanga biuma bimona banlonguka, bamfika bitebukilanga moyo. Bawu bantubanga ti kufikula kuba sadisanga kuvisa buboti, kubika to bikuma vayi mvandi mayindu mamfunu mu mambu banlonguka. Zifikula aziozio zidi bivisa bimmonisa ti, bakulutu balenda bakila ziawu ndandu.

Diawu khumbu yinkaka wunkuiza longuka diambu dimona, meka kuyindula mua mambu belonguka. Ngie wunkuiza yituka kumona ti mawombo wuntebukila moyo.