Nzambi Wala be Bunga Batu ba Mbiʹe?

22 Mu bilumbu bitu nvandi vadi batu badi mavanga mambi. Mambu mbi mambi mweni madi mu kuvangamanga vav’e?

23 Batu bamvondanga bankaka. Nzambi kantuba ti ngieu ka uvanganga mambu ma mpila yoyo.—Êxodo 20:13; 1 João 3:11, 12.

24 Bankaka bankwibanga. Nzambi kantuba ti ngieu ka uyibanga.—Êxodo 20:1; Efésios 4:28.

25 Vadi babakala bankwelanga bakietu bawombu. Bankaka ba nzinganga ai bakietu bwadi ove bakietu bawombu mu zi nzo zivanguka. Vadi mvandi babakala ba nzinganga ai nkietu ukakambu kwela. Mambu amama masi ko luwawanu ai mambu ma ntuba Nkanda Nzambi.—Mateus 19:4-6; 1 Coríntios 7:1-4; 1 Timóteo 3:1, 2.

26 Mbambuka moyo ti Nzambi uvana Adami nkazi umweke?—Gênesis 2:22, 24.

27 Bankaka bansambilanga biteki. Nzambi kantuba ti ngieu ka usadilanga biteki ai bitumba mu lusambulu.—Êxodo 20:4, 5; Isaías 44:9-17;1 João 5:21.

28 Yave wala bunga batu boso bo bankambu bika mavanga ma mbi.—Salmo 37:9, 10; Lucas 13:5; 1 Coríntios 6:9, 10.