Mbi Ngieu Fuene Kuvangʹe?
50 Tidi kuzinga mvu ka mvu mu Paladizo ayiyi i mbote?
Diau bwela ku longuka mambu mantuba Nzambi. Longuka kutanga Nkanda Nzambi.
—João 17:3; Revelação 1:3.
51 Buela ku Longuka mambu ma Yesu.—Deuteronômio 18:18, 19; João 3:16; Atos 3:19-23.
52 Vanganga kaka mambu mambote ai tumamana kwidi Yave.—Romanos 6:17, 18, 22.
53 Bambuka moyo matuba Yave ti tubika kuvondanga batu.—Êxodo 20:13; 1 João 3:11, 12.
54 Katuyibanga ko biuma bingana.—Êxodo 20:15; Efésios 4:28.
55 Dibakala kasafwana ko kuzinganga ove kulambalalanga ai nkietu, buna ka ba nkaziandi.—Êxodo 20:14, 17; 1 Tessalonicenses 4:3.
56 Mbambuka moyo bakietu ba kwa Nzambi kavana ove kakubika mo dibakala kakwela? Kikwa ki mi mvu dibakala kafuene kuzinga ai nkazi andi?—Gênesis 2:22, 24; Mateus 19:5, 6; 1 Coríntios 7:2, 10, 11.
57 Bambuka moyo ti tufuene kaka kusambilanga Yave.—Mateus 4:10; 1 Coríntios 8:6.
58 Biteki ai bitumba bisi ko bukutusadisila. Zebi mu mbi?—1 Coríntios 8:4.
Bubote kusadilanga bitekiʹe?—Deuteronômio 27:15; 1 João 5:21.
59 Mu mbi kusadila mikisi ove kindoki wididi nsamu umbi?—Deuteronômio 18:10-13; Revelação 21:8.
60 Zimbasi zidi ntima umbi ove zimpeve zimbi bamanga kutumamana kwidi Nzambi. Bau bansadilanga mu zinganga mu kuvukumuna batu.—Atos 16:16.
61 Tufuene sambilanga Nzambi. Lusambulu buna koluka ai Nzambi, ai ku nkamba ti tutidi kunsadila ai kundinda lusadusu.—Filipenses 4: 6, 7.
62 Tufuene kutumamana Yesu ai kunlekila kiminu.—Hebreus 5:9; João 3: 16.
63 Bambuka moyo ti nandi ufwa mo katukula.—Romanos 5:8.
64 Bambuka moyo ti Yesu nandi Ntinu etu ukambu monikanga. Tufuene kuntumamananga.—Filipenses 2: 9-11; Revelação 19:16.
65 Yesu utuba ti ngieu fuene kukambanga bankaka mambu amomo mambote mawidi mu kulonguka ai abobo batidi kusadila Nzambi bafuene kubotama.—Mateus 28:19, 20; João 4: 7- 15.
66 Diau ngieu fuene kukamba mambu amama mambote kwidi zinzola ziaku ove bakundi baku.—Mateus 10:32.
67 Ngieu kulonguka buboti kutanga wala zaba mambu mawombu mo usadisa buboti bankaka.—2 Timóteo 2: 15.
68 Yesu ulonga mpe bana babilezi mo batumamana kwidi Nzambi. Nandi kasa nkambu ko ntangu ikolukila ai bau.—Mateus 19:13-15.
69 Matata bafuene kulongisanga bana bau bo batumamana kwidi Nzambi ai ku nzola.—Deuteronômio 6: 6, 7; Provérbios 6: 20- 22;
70 Vadi mabundu mapwedi mampila muna mpila. Malongi mawombu ma banlonganga masi ko mu Nkanda Nzambi. Yave katukamba ti tubika mabundu amomo mankambu longisanga mambu ma kiedika.—Revelação 18:4; João 4:23, 24.
71 Yave widi batu va ntoto bakunsadilanga
bafuene kubwela kukulongisa mambu mandi. Ubazebiʹe?—Atos 15:14; Romanos 10:14, 15.
72 Babatanguninanga ti zi mbangi zi Yave. Badi malembe ai badi yau. Zebi mu mbi? Bau banzolasananga.—Isaías 43:10-12; João 13:34, 35.
73 Diau bu banzolanga Yave, bamana botama. Bau banmonisa ti babikidi kudiata mu zi nzila zi mbi ai mvau batidi kusadila Nzambi mu luzingu lwau.—Atos 2: 41.
74 Zi mbangi zi Yave ba nta mana ti banzinga mu Paladizo imona ai imbote.—Salmo 37: 9-11, 29.
Mbi ngieu fuene kuvanga bo uzinga momo ai bau?—Tiago 1: 22, 25; 2: 20-26.
75 Bundana ai bau mo ulonguka bwidi bukusadilanga Yave. Bau banzolanga ai bantumamananga kwidi Yave ai Yesu klistu. Ngieu ubazolangʹe? Tidi kusadisa bankaka mo bazaba Nzambi?—João 6: 45- 47.
76 Yave ai Klistu Yesu bakuzolanga ai bantomba uzinga mvu ka mvu mu Paladizo.—João 3:16.
Amomo mamalonguka mu kutala bifwanyi ai mu zi nsangu ove mambu madi mu nkanda wu makuveni lutya lu kuzingila mvu ka mvu va ntoto. Ti ngieu tidi kuzaba beni mambu amomo, yoluka ai mbangi i Yave va buala va ukala. Ove sonika, ove kamba nzolaku mo kakusonikina mo ufila wau kwidi zi mbangi zi Yave Nzambi bo bafikama avovo va ukala. Tala bwidi fuene kuvangila va zinzila zidi va nkanda uteti ubebangula mu nkanda wu.