Buidi bu Bela Luzingu ku Paladizu?

Yave wu vana Adami ayi Eva biuma bi mboti bi wombu. Gênesis 1:28

Yave wu vanga nkietu wu theti, Eva, ayi wu n’vana kuidi Adami mo ka ba n’kazi andi. —Gênesis 2:21, 22.

Yave wu ba vanga na bilunzi ayi zinyitu zi vedila, zikhembu masumu.

Ku paladizu ku baba kalanga luba lumbu lu Edeni – kitini ki n’totu ki mboti beni na n’langu, na miti mi makundi ayi bibulu.

Yave waba kolukanga yawu; waba balonganga. Ti ba n’yuwa, khanu bazinga m’vu ka m’vu ku Paladizu va n’totu.

Nzambi wu ba kamba ba bika ku dia makundi ma n’ti wu mueka. Gênesis 2:16, 17

Mbasi mueka wu bangusa Nzambi. Mbasi beni yi mbi nandi Satana ayi Diabu.

Yave wu monisa Adami ayi Eva n’ti mueka wu makundi mu lumbu ayi wu bakamba ti ba ku dia wawu, bala kuiza fuwa.

Satana kasa tia ko ti Adami ayi Eva ba tumamana Yave. Diawu wu sadila nyoka mu ku kamba Eva ti na kudia dikundi di n’ti beni, kala sa kuiza fuwa ko, angi wala kuiza ba buka Nzambi. Mu kiedika beni, luawu luba luvunu. —Gênesis 3:1-5.