MALONGI 20

Bwidi Buǹdyatilanga Mwa Dingumba Diǹtwadisi?

Dingumba dintwadisi-mu mbandu yitheti — Mwa dingumba diǹtwadisi mu ntangu yi baklisto ba

Baklisto-batheti badi mu kutanga nkanda wufumini kwidi dingumba dintwadisi — Ǹkanda wuǹtangu wu mwa dingumba diǹtwadisi

Mu thangu yi baklisto batheti, mwa dingumba diǹtwadisi di ‘bapostolo ayi bakhulutu ba Yelusalemi’ baba salanga buka mwa dingumba diǹtwadisi, mwingi ba bakanga makani ma ǹkinza mu dizina di kimvuka kyoso ki baklisto ba solwa. (Mavanga 15:2) Mwingi kubaka makani, bawu baba bikanga Masonukwa ayi phevi yi Nzambi yi ba twadisa. (Mavanga 15:25) Wawu ǹtungulu baǹlandakananga thangu’itu.

Mu bawu Nzambi kaǹsadilanga mwingi kuvanga luzolo lwandi. Zinkomba zi solwa badi bisadi mu mwa dingumba diǹtwadisi, luzolo luwombo badi mu dyambu di Nzambi, luzabu mu mambu ma lumbu ka lumbu ayi ma kiphevi. Bawu baǹkutakananga kadika lumingu mo kuyindula zitsatu zi bakhomba mu nza yimvimba. Buka baklisto ba theti, bawu baḿfilanga malongi mabongulu mu Kibibila mu miǹkanda ove mu nzila yi Miǹsungi mi divula ayi batu baǹkaka. Mawu maḿvanganga dikabu di Nzambi di ba kinthwadi mu phila yi yindudila ayi kuma sadila. (Mavanga 16:4, 5) Mwa dingumba diǹtwadisi baǹkubikanga bidya bi kiphevi, baḿvananga mangolo kisalu Kiǹtinu ki kusamuna ayi kuvana biyeku kwidi zikhomba mu kimvuka.

Baǹlandakananga thwadusulu yi phevi yi Nzambi. Mwa dingumba diǹtwadisi baǹlandakananga thwadusulu yi Yave ayi Yesu klisto, ǹtu wu kimvuka. (1 Kolinto 11:3; Efeso 5:23) Badi mu dikabu beni, ba yimonisanga ko buḿfumu mu kimvuka ki Nzambi. Bawu na baklisto boso basolwa, baǹlandakananga ‘mwan’ameme [Yesu] koso kukankwenda.’ (Nzaikusu 14:4) Mwa dingumba diǹtwadisi baǹtondanga beni miǹsambu mitu tu ba dindilanga kwidi Yave.

Mu baklisto ba theti, banani baba mu mwa dingumba diǹtwadisi?
Bwidi mwa dingumba diǹtwadisi mu thangu’itu baḿbakilanga thwadusulu yi Yave?