MALONGI 27

Bwidi Kiswekulu ki Zibuku Kidi ku Nzo Kiǹtinu Kilenda Kutusadisila?

Dibakala dimweka widi mu kusadila kiswekulu ki zibuku ku Nzo yi Kintinu — Tsi yi Israel

Mbangi mweka wu Yave widi mu kusadisa ditoko dimweka kubakula mvutu mu bilongulu bitu — Tsi yi Republica Tcheca

Mwana ndumba mweka widi mu kusonika dizina dyandi mu buku yi minkunga — Tsi yi Benin

Dibakala dimweka wunsadila kiswekulu ki zibuku Watchtower — Bisanga bi tsi Caimã

Tidi bwela luzabu lwaku mu matedi Kibibila? Tidi bwela visa maǹtuba lutangu lu Kibibila, mutu, bibwangu ove byuma biǹkaka bisonama mu Kibibila? Wumana yikuvusa ti dyambu di Nzambi dilenda kusadisa mu mambu ma kutatisanga? Diawu, sadila kiswekulu ki zibuku kidi ku Nzo yi Kiǹtinu.

Kwidi bilongulu bi mboti bi luzabu. Ḿba ngyewu wisi ko mu mbembo’aku bilongulu byoso bi Kibibila bisamuna Zimbangi zi Yave. Angi kiswekulu ki zibuku kidi ku Nzo Kiǹtinu, kwidi zibuku ziwombu zimona ngyewu khambulu. Kulenda ba zimbangudulu ziǹkaka zi Kibibila, zi dicionario zimboti ayi biǹkaka. Bwisa kwaku mabanza mu kusadila kiswekulu beni va thononu ove va tsuka zikhutukunu. Kulenda ba komputador mwidi Watchtower Library (kiswekulu ki zibuku Torre de Vigia). Kidi kisadulu mwidi bilongulu bitu, kiǹlengisanga kisalu ki kutomba dyambu wu tidi zaba, kikuma ove lutangu lu Kibibila.

Ǹkinza kidi kwidi miǹlonguki mi kikola Nzingulu ayi kisalu Kitu. Boti wusonama mu kikola beni, buna kiswekulu ki zibuku kidi ku Nzo Kiǹtinu kilenda kusadisa bo wuǹkubika kiyeku kyaku. Nkulutu wuntadilanga matedi kikola Nzingulu ayi kisalu Kitu, nandi wuǹkengidilanga matedi kiswekulu ki zibuku kidi ku Nzo Kiǹtinu. Nandi wuḿbwelanga muawu, bilongulu bimona ayi wuǹludikanga biawu buboti. Wulenda tomba lusadusu kwidi nandi ove ǹlongisi’aku bu kusadila kiswekulu beni. Twisi ko ǹswa mu nata bilongulu ku nzo. Fweti sadila buboti zi buku ayi bika sonika muawu.

Kibibila kiǹsudikisa ti, mo wubakula nzayilu yi Nzambi fweti vanga mangolo mu tomba yawu buka palata. (Zingana 2:1-5) Kiswekulu ki zibuku kidi ku Nzo Kiǹtinu kilenda kusadisa mu kutona tomba.

Bilongulu mbi bikubakudila bi wuǹtomba bidi mu kiswekulu ki zibuku kidi ku Nzo yi Kiǹtinu?
Nani wulenda kusadisa mu kusadila mboti kiswekulu ki zibuku kidi ku Nzo yi Kiǹtinu?