DILONGO 13
Timoteo Wutomba Kusadisa Baǹkaka
Timoteo wuba ditoko waba zolanga beni kusadisa baǹkaka. Nandi wuyenda mu bibwangu biwombo mwingi kusadisa bantu. Diawu luzingu lwandi lubela mayangi. Ngyewu, tidi kubwela zaba matedi mu nandi?—
Timoteo wunlonguka kwidi Ngudi ayi nkai’andi matedi Yave
Timoteo wuyonzukila kudivula di Listila. Bo kaba mwana kilezi, buawu nkai’andi Loyisi ayi ngudi’andi Ewunise, batona kuǹlonga matedi Yave. Bo Timoteo kaba konzuka, waba tomba kusadisa bantu matedi Yave.
Bo Timoteo kaba ditoko, Polo wuǹtumisa mu kisalu kikutala bimvuka mu bibwangu biǹkaka. Nandi wukikinina momu ntangu kibila wuzola beni mu kusadisa bantu.
Timoteo wuyenda ayi Polo kudivula dimweka di Ngelese baǹtedilanga Tesalonika. Mwingi kutula kuna bawu badyata beni ayi bayendila mu dikumbi. Ntangu batula kuna, basadisa bantu bawombo kulonguka matedi Yave. Angi baǹkaka bafwema nganzi ayi batomba kubavanga mambu mambi. Diawu Polo ayi Timoteo bayendila kasamunina mu bibwangu biǹkaka.
Timoteo wuba luzingu lu mayangi ayi lu manyezi
Zingonda zivyoka, Polo wukamba Timoteo kavutuka ku Tesalonika mwingi katala zinkomba bo badidi. Vaba tombila mangolo mawombo kuvutuka ku divula di babina kubavangila mambu mambi! Angi Timoteo wuvutuka kuna, kibila wutomba kusadisa zinkomba. Nandi wutwadila Polo zinsangu zimboti mu mambu kadenga kuna. Wuyedenga zinkomba buboti!
Timoteo ayi Polo mimvu miwombo basamunina va kimweka. Nkumbu yiǹkaka Polo wusonika mu ǹkanda ti Timoteo nandi muntu wufwana kalenda fila mwingi katala ayi kusadisa bimvuka. Timoteo wuba luzolo mu Yave ayi mu bantu.
Ngyewu, widi luzolo mu bantu ayi wuǹtombanga kubasadisa mu longuka matedi Yave?—Ngye kumavanga wala baka luzingu lu mayangi dedi Timoteo!