DILONGI 6

Sadila Buboti Matangu ma Kibibila

Yoane 10:33-36

DILONGI: Bika to kutanga Kibibila ayi kukwenda mu kindwika kinlanda. Vayi tomba kuzaba ti batu ba kukuwa bammona kithwadi kidi mu matangu wuntanga ayi dyambu dinkinza wunlonga.

MBI WULENDA VANGA:

Sola bikuma bilutidi nkinza. Ngye tanga matangu ma Kibibila, zabikisa bikuma binsudikisa dyambu dinkinza wunlonga. Wulenda vangila mawu mu kuvutukila kutanga bikuma beni mu Kibibila voti mu kuvana byuvu bilenda vanga batu ba kukuwa kuzaba bikuma bilutidi nkinza.

Ngye sadila bikuma bivyakana mwingi kuzabikisa diyindu di nkinza di Kibibila, tomba zaba theti ti batu ba kukuwa bantatamana kumona bwidi mambu madi mu Kibibila madidi ngwizani na diyindu dilutidi nkinza wuntomba kulonga.
Bwela kindisa mambu wuntomba batu basimbidila. Ngye kutuba kibila wuntangila matangu ma Kibibila, sudikisa bwidi bikuma binkinza bidi mu matangu bididi ngwizani na kibila wube tuba.

Bo wunsudikisa matangu ma Kibibila, bika kiawu kitatamana kizibuka. Mawu mala sadisa batu ba kukuwa kumona kithwadi kidi mu mambu wuntuba, ayi matangu wube tanga.
Visikisa bu kusadila mambu wunlonga. Bika kwe sudikisanga mambu malenda zimbisa diyindu dilutidi nkinza. Tatamana kutubila mambu batu ba kukuwa bazebi mu matedi mambu wunlonga, tomba kuzaba mambu mbi wunkoluka mwingi batu bavisa buboti bwidi bu kusadila mawu.