DILONGI 18

Sadila Mambu Mansadisa Batu ba Kukuwa

1 Kolinto 9:19-23

DILONGI: Sadisa batu ba kukuwa bayindula mambu banlonguka baveka mwingi bavisa ti babe longuka dyambu dinkinza.

Zaba mambu batu ba kukuwa bazebi. Mwingi kubika vutukila mambu bama kuwa voti bazebi, wuba sadisa kuvisa dilongi beni mu phila yimona.

Tubila mambu mazabakana mu nswalu, vayi bo wuntubila mambu mamona dekula nswalu mwingi kusudikisa buboti.
Fyongunina ayi yindula mu mawu. Boti kuba, sadila mambu makhambu zabakana beni voti mambu mazabakana bubu mwingi kusudikisa mayindu malutidi nkinza. Yindula buboti mu mambu wunsadila ayi kithwadi madi na mambu malutidi nkinza wuntomba kulonga.

Bo wunkubika dilongi dyaku, sadila mayindu maku mu kuyivana byuvu dedi ‘mbi, kibila mbi, thangu mbi, kwidi, nani, ayi bwidi.’ Vanga dilongi dyaku diba dimboti mu kuvanga ayi kuvana mimvutu mi byuvu abyobi mu thangu wumvanga dilongi.
Monisa ti mambu wunlonga nkinza madi. Sudikisa bwidi matangu ma Kibibila malenda sadisila batu ba kukuwa mu luzingu luawu. Tubila mambu mankinza mankwiza sadisa batu ba kukuwa.