KUTONA MASOLO
DILONGI 2
Bika Kukuika
Nsua wu Kibibila: “Diambu bantubila mu thangu yifuana—dimbanga beni dimboti!”—Zinga. 15:23.
Mbi Filipi Kavanga
1. Tala VIDEO, voti tanga Mavanga 8:30, 31. Bosi fiongunina biuvu binlanda:
Buidi Filipi Katonina Disolo?
Kibila mbi yibela phila yimboti yi kutonina disolo ayi kulonga kiedika kuidi dibakala beni?
Mbi Tulenda Longuka Matedi Filipi?
2. Befu kutonina masolo mu khambu kuika mutu, mba nandi kalenda ba wukubama muingi kukuwa zitsangu zimboti.
Landakana Kifuani ki Filipi
3. Tala mambu madi mu kumonika. Ngie wulenda longuka beni mu kutala phila mutu kankolukila, phuatulu’andi ayi phila kantudila kizizi kiandi. Nandi wummonikina ti widi wukubama muingi kukoluka yaku? Ngie wulenda tona kukoluka yandi matedi Kibibila mu kunkuvula, “Ngie zebi ti . . . ?” Bika kukuika mutu wummonikina ti kasintomba ko kukoluka.
4. Ba mvibudulu. Bo wuntona masolo, bika fika tubilanga matedi Kibibila. Vingila thangu yifuana muingi wuvanga mawu. Mawu mansundula ti khumbu zinkaka, ngie wulenda telimina nati kilumbu kinkaka wala bue koluka yandi.
5. Zaba kubalula mambu. Mba vadi mambu mankaka nandi kadi mu kuvua nkinza. Diawu ba wukubama muingi kummonisa kheti diambu dimueka di Kibibila dio nandi kamvua nkinza. Kheti vankuiza tombulu kutubila kiedika kinkaka ki Kibibila kubika kuandi kio bekubika ku nzo.
TALA MVANDI
Mpovi 3:1, 7; 1 Koli. 9:22; 2 Koli. 2:17; Kolo. 4:6