Kuvua Nkinza Bankaka

Mbi Yesu Kavanga

VIDEO: Yesu ayi Nkietu Mueka va Kisima ki Nlangu

1. Tala VIDEO, voti tanga Yoane 4:6-9. Bosi fiongunina biuvu binlanda:

1. Mbi Yesu kamona matedi nkietu beni ava katona kukoluka yandi?

2. Yesu wutuba: “Phana nlangu.” Kibila mbi yibela phila yimboti yi kutonina masolo?

Mbi Tulenda Longuka Matedi Yesu?

2. Tulenda ba masolo mamboti na mutu, befu kutonina mu mambu nandi kamvua nkinza.

Landakana Kifuani ki Yesu

3. Ba wukubama muingi kubalula mambu. Bika kutonina to disolo mu mambu ngie bekubika. Tona masolo mu kutubila mambu batu bamvua beni nkinza. Wukiyuvusa:

1. ‘Zitsangu mbi zimona?’

2. ‘Mambu mbi batu bankalanga yama va nsengi, bankotanga yama kikola ayi bansalanga yama badi mu kuluta tubila?’

4. Tala buboti mambu madi mu kumonika. Wukiyuvusa:

1. ‘Mbi mutu kadi mu kuvanga mu thangu ayiyi? Mbi nandi kadi mu kuyindula?’

2. ‘Mbi phuatulu ayi nzu’andi, bi kundonga mu matedi kikhulu kiandi ayi mambu kankikininanga?’

3. ‘Bukiedika ti yidi thangu yimboti muingi kukoluka yandi?’

5. Teka matu.

1. Bika kukoluka beni.

2. Kindisa mutu beni muingi katuba. Boti kuba, mvana mua biuvu.