KUTONA MASOLO
DILONGI 3
Monisa Mamboti
Nsua wu Kibibila: “Luzolo luidi . . . mamboti.” —1 Koli. 13:4.
Mbi Yesu Kavanga
1. Tala VIDEO, voti tanga Yoane 9:1-7. Bosi fiongunina biuvu binlanda:
Mbi Yesu kavanga theti, kubelusa dibakala difua mesu voti wunlonga theti zitsangu zimboti?—Tala Yoane 9:35-38.
Buidi wumuena, mbi bivanga dibakala beni kuba wukubama muingi kukuwa Yesu?
Mbi Tulenda Longuka Matedi Yesu?
2. Mutu kalenda kuwa zitsangu tukunlonga, na kumona ti befu tukumvua nkinza.
Landakana Kifuani ki Yesu
3. Wu kitula va Kibuangu ki Mutu beni. Tomba kuvisa mabanza mandi.
Wukiyuvusa: ‘Mambu mbi madi mu kuntatisa? Mambu mbi kalenda vua nkinza ayi malenda kunsadisa?’ Kuvanga mawu mankuiza kusadisa kumonisa mamboti.
Boti mutu widi mu kuzabikisa mayindu mandi ayi mambu kadi mu kuviokila, bika kubalula masolo. Ngie kunkuwa buboti, wunkuiza monisa ti wumvua nkinza mambu madi mu kuntatisa.
4. Yolukila mu phila yimboti ayi mu lukinzu. Mu phila wunkolukila na mutu, mankuiza monisa boti ngie wukummona kiadi ayi wuntomba kunsadisa mu bukiedika. Sola buboti mambu wuntuba ayi phila wuntubila mawu. Ayi ba keba keba muingi wubika tuba mambu ma kunlueka ntima.
5. Vana Lusalusu. Tomba ziphila wulenda sadisila mutu beni. Kumonisa mamboti malenda vana luaku muingi wutona masolo.