Longila Mu Phila Yikhambulu Phasi

Mbi Yesu Kavanga

VIDEO: Yesu Wumfuanikisa Phila Tat’itu ka Tukiebilanga

1. Tala VIDEO, voti tanga Matai 6:25-27. Bosi fiongunina biuvu binlanda:

1. Kifuani mbi Yesu kasadila muingi kutubila phila Yave ka tukiebilanga?

2. Kheti Yesu zebi mawombo matedi kifuani kasadila, vayi diambu mbi katsikika thalu’andi? Kibila mbi yididi phila yimboti yi kulongila?

Mbi Tulenda Longuka Matedi Yesu?

2. Befu kulongila mu phila yikhambulu phasi, batu bankuiza tebukila moyo mambu tu kubalonga ayi tunkuiza nyikuna mintima miawu.

Landakana Kifuani ki Yesu

3. Bika kukoluka beni. Bika kutuba mamoso ngie wuzebi matedi dilongi muidi mu kulonguka, vayi tsikika mayindu mu mambu madi mu kilongulu. Mu thangu wumvanga kiuvu, vingila mu mvibudulu mvutu wu nlonguki’aku. Boti nandi kasazaba ko mvutu, voti diyindu diandi disi ko kithuadi na malongi ma Kibibila, sadila biuvu binkaka muingi kunsadisa kufiongunina mambu beni. Nlonguki na kuvisa diyindu di mfunu, yenda mu kinduika kinlanda.

4. Sadila mambu nlonguki’aku kazebi muingi kunlongisa mambu mamona. Dedi, boti muidi mu kulonguka dilongi dintubila matedi luvulubukusu, ngie wulenda vutukila mambu nlonguki’aku kazebi voti kamana longuka matedi bafua.

5. Sadila bifuani mu nduenga. Ava kusadila kifuani, wukiyuvusa:

1. ‘Kifuani akiki kisiko phasi mu kuvisa?’

2. ‘Nlonguki wunkuiza visa mu khambu phasi?’

3. ‘Mawu mankuiza nsadisa kutebukila moyo mambu malutidi nkinza, kubika kuandi to kifuani?’