MAMBU MADI KUTSUKA MUA BUKU C
Buidi bu Kutuadisila Ndongukulu yi Kibibila mu Kusadila Kilongulu Baka Mayangi ma Mvu ka Mvu!
Vatombulu minsambu miwombo ayi kufiongunina mambu mawombo muingi kubasisa kilongulu Baka Mayangi ma Mvu ka Mvu! Muingi wubaka ndandu mu kilongulu akiokio, sadila mambu manlanda.
Ava kuevana ndongukulu yi Kibibila
1. Kubama buboti. Bo widi mu kukubama, yindula matedi zitsatu, mambu nlonguki’aku kamviokila ayi mayindu mandi. Tomba kumona mambu mbi madi mu dilongi munkuiza longuka nandi kalenda mona phasi kuvisa ayi kusadila. Tomba mu dilongi vo basonika “Tala Mambu Mankaka” muingi wumona mambu wulenda sadila muingi wusadisa nlonguki’aku ayi tubila mawu bo munkuiza longuka.
Bo wuntuadisa ndongukulu yi Kibibila
2. Nlonguki na kukikinina, tonina ayi manisina ndongukulu mu nsambu.
3. Ba keba keba muingi wubika kukoluka beni. Tsikika mayindu mu kilongulu ayi bika nlonguki kazabikisa mabanza mandi.
4. Bo muntona kulonguka kikhuku ki mona, tanga vantuba mbi tunkuiza longuka ayi tubila mua mintu mi malongi madi mu kikhuku beni.
5. Bo mummanisa kikhuku, tubilanu matedi phutukulu ayi sadisa nlonguki katebukila moyo mambu mankinza ka belonguka.
6. Bo wunlonguka kadika dilongi na nlonguki’aku:
Tanga binduyika.
Kutanga matangu ma Kibibila basonika “Tanga.”
Ayi boti kuba, tanga mvandi matangu mankaka madi mu kinduyika.
Talanu zivideo zioso basonika “Tala” (boti zidi mu mbembu’aku).
Vanga biuvu bioso kuidi nlonguki.
Tubilanu fotu yidi vo basonika “Buela Longuka”, ayi dinda nlonguki’aku muingi katubila yawu.
Sadila vama vantuba “Makani Mami” muingi wusadisa nlonguki’aku kamona phila kadi mu kukonzukila mu kiphevi. Ngie wulenda kunkindisa muingi kalandakana diyindu basonika vana, katomba diyindu dinkaka voti kuvanga ma mamuadi.
Yuvula kuidi nlonguki’aku boti vadi dilongi voti video ka bezola vo basonika “Tala Mambu Mankaka” bo kabe kubika ndongukulu’andi.
Vanga mangolo muingi mulonguka dilongi dimvimba khumbu yimueka.
Bo mummanisa kulonguka
7. Tatamana kuyindula matedi nlonguki’aku. Sambila kuidi Yave muingi kasakumuna ndionzukulu yi nlonguki’aku ayi muigi nandi ka kuvana nduenga muingi wuzaba phila yi kunsadisila.