Sadila buku Baka Mayangi ma Mvu ka Mvu! mu Kisalu ki Kusamuna

Tuidi beni mu mayangi kutambula mua buku ayi buku yimona muingi kusadila bo tumvana ndongokulu yi Kibibila. Tunsambila kuidi Yave muingi kusakumuna mangolo tumvanga muingi kubuela vanga minlonguki. (Matai 28:18-20; 1 Kolinto 3:6-9) Buidi bu kusadila bilongolo abiobio bimona?

Baka Mayangi ma Mvu ka Mvu! yidi buku tunkuiza sadila muingi kuvana ndongukulu yi Kibibila. Mvandi muidi ziphila zimona zi kulongila ayi kulandakana zithuadusulu zidi muna zinkuiza tusadisa kukubama ava kuvana ndongukulu yi kibibila.a

• Tanga binduika bioso bidi mu dilongi, bosi tubilanu biuvu bidi muna

• Tanga matangu moso ma Kibibila madi kikuma “tanga” ayi sadisa nlonguki kavisa buidi kalenda sadila mambu kadi mu kulonguka

• Talanu zivideo zioso ayi tubilanu biuvu bioso binlanda

• Vanga mangolo ma kulonga malongi moso madi mu kikhuku ki kadika malongi mu khambu sabuka malongi mankaka

Mu kisalu ki kusamuna, kabula theti mua buku muingi wubakula ti mutu wunkuiza tatamana kulonguka. (Tala quadro “Buidi bu kukabila mua buku Baka Mayangi ma Mvu ka Mvu! Mu kimbangi kitheti.”) Bo lummanisa kulonguka mua buku ayi boti nlonguki tidi kutatamana kulonguka kibibila buna nkabila buku ayi tonin’anu mu dilongi 04. Boti widi longuki wukhidi longuka buku Mbi Kibibila Kilenda Kutulonga voti Continue Amar a Deus, mvingisa mu buku yimona Baka Manyangi ma Mvu ka Mvu ayi ngie veka wunkuiza sola vama mulenda tonina ndongukulu.

TALANU VIDEO NDIZULU YIMBOTI MU NDONGUKULU’AKU YI KIBIBILA, BOSI VANANU MIMVUTU MI BIUVU BINLANDA:

• Mambu mbi nlonguki kankuiza longuka mu buku ayoyi yimona?

• Kibila mbi tufueti monisa video ayoyo kuidi nlonguki wumona?

• Makani mbi ngie wulenda sadisa nlonguki’aku katatamana kuba ayi kufiongunina muingi kabuela nzailu?—Nsadisa “kasikika mayindu mu makani madi mu kadika dilongi”