Sadisa Bana Baku Baba Mana Makwikama mu Mvang’itu

Diyilu dinsamunanga nkembo wu Nzambi. (Minkunga 19:1-4; 139:14) Angi batu badi mu nza yi Satana, banlonganga luvunu mu matedi tho yi luzingu. (Loma 1:18-25) Bwidi wulenda kubikila bana baku mwingi babika kuvukumuka mu malongi beni? Wuba sadisa bo bakhidi balwelo, baba kiminu mu Yave ti nandi widi ayi wuba sadisanga. (2 Kolinto 10:4, 5; Efeso 6:16) Tomba kuzaba mambu bansweka mu mintima miawu, dedi mambu baba longanga mu bikola. Ayi sadila bilongulu bifweni mwingi kuba kubika.​—Zingana 20:5; Yakobi 1:19.

TALANU VIDEO, MBI BAKUNDI BAKU BANTUBANGA​—MAMBU WUNKIKININANGA MU NZAMBI, BOSI, TUBILA BYUVU BIDI VA WANDA:

• Luvunu mbi batu bantubanga mu matedi Nzambi?

• Bwidi ba kulongilanga mu kikola mu matedi tho yi luzingu?

• Mbi bi kuvana lufyatu ti Yave widi?

• Bwidi wulenda sadisila mutu wunkaka kazaba ti Nzambi nandi wuvanga byuma byoso?