Bwela Pisuka mu Kisalu ki Kusamuna—Yoluka na Batu Boso Badi va Kizunga ki Kimvuka

NKINZA MBI KUVANGA MAWU: Zakalia wubikula ti batu ba zimbembo ayi mimvila myoso bala kikinina zitsangu zimbote. (Zakalia 8:23) Vayi nani wala ku balonga? (Loma 10:13-15) Befu twidi lwaku ayi kiyeku ki kulonga tsangu zimbote kwidi batu boso badi va kizunga kitu ki kusamuna.—od 84 ¶10-11.

MBI WULENDA VANGA:

• Kubama. Ngye wundengananga batu bankolukanga mbembo yinkaka? Wulenda sadila JW Language mwingi wulonguka kuvanga mbonosonu yikhambu phasi mu mbembo beni. Ove sadila telefoni’aku mwingi wumonisa mutu beni bwidi kalenda bwela zabila mambu mankinza mu mbembo kankolukanga mu jw.org

• Tala bubote. Boti widi mu kusamuna nzo ka nzo, sadila bubote lwaku beni mwingi wuvana kimbangi kwidi batu bamvyoka ayi bo bamvingila makalu. Boti widi mu kimbangi ki baboso, tsikika mayindu maku mu kibila widi vana, ki kuvana kimbangi

• Ba nzaki. Tatamana kuvanga mangolo mwingi kukoluka na batu wukhambu bata ku nzo khumbu yitheti. Vanga mangolo mwingi wuyoluka kheti na mutu wumweka mu kadika nzo, vanga mawu mu kuvutukanga thangu yivyakana mu kilumbu voti mu kuvyakisanga bilumbu mu khati sabala. Bankaka wulenda yoluka yawu mu kuba sonikina nkanda, mu telefoni ove bo wumvana kimbangi ki baboso

• Tatamana kuba vutukilanga. Vanga phutukulu kwidi bo bantya disolo mu khambu vyokisa beni bilumbu. Boti mutu beni mbembo yinkaka kankolukanga, nata nsamuni wunkaka zebi mbembo beni mwingi kansadisa. Wulenda tatamana kuvutukila mutu beni ti mu thangu kankwiza tona kulonguka na nsamuni wunkolukanga mbembo’andi.—od 94 ¶39-40

TALANU VIDEO YINTUBA KUSAMUNA TI ‘KUSUKILA NTOTO,’ AYI VANA MIMVUTU MI BYUVU ABIBI:

• 

  Bwidi zikhomba zi bakyeto ayi zi babakala bakubimina mwingi kwe samuna ku kibwangu kidi kinanu? (1 Kolinto 9:22, 23)

• 

  Mambu mbi ma phasi badengana?

• 

  Lusakumunu mbi babaka?

• Mangolo mbi wulenda vanga mwingi wubwela koluka na batu bankaka va kizunga kyaku ki kusamuna?