ZINGILA MU BUKLISTO
Bakubama Muingi Kusamuna Batu Boso
Dedi bo Yave kakhupikila basi Isaeli mu thangu yikhulu, nandi mvandi widi mu kutuadisa dikabu diandi bubu muingi bavanga luzolo luandi. Mu nza yimvimba, zikhomba badi mu zifiliali, mu bizunga, mu bimvuka ayi mu mangumba ma kisalu ki kusamuna, bamvanganga mangolo muingi kunata ntuala kisalu ki kusamuna. Befu tunsamunanga kuidi batu boso kheti kuidi batu bankolukanga mbembu yinkaka.—Nzaikusu 14:6, 7.
Ngiewu wumana longuka mbembu yinkaka muingi kulonga kiedika kuidi batu? Kheti wisiko thangu yiwombo muingi kulonguka mbembu yinkaka, wulenda sadila JW Language muingi kulonguka kheti mbonosono yimueka. Ngie kusadila yawu mu kisalu ki kusamuna, ngie wala mona mayangi zikhomba zitu bamona mu sekulu yitheti, bo bayuwa “mambu ma kukuitukila ma Nzambi” mu mbembu babutukila. —Mavanga 2:7-11.
TALANU VIDEO BA BA BUKUNDI NA YAVE—SAMUNINA MU MBEMBU YINKAKA, AYI VANANU MIMVUTU MI BIUVU BINLANDA:
Thangu mbi tulenda sadila JW Language?
Buidi tulenda sadila yawu?
Batu mu nza yimvimba bafueti longuka zitsangu zimboti
Zimbembu mbi zinkaka bankolukanga va kizunga kiaku?
Mambu mbi ngie wufueti vanga boti mutu wunkolukanga mbembu yinkaka wumvua nkinza mambu ma kiphevi?—od 100-101 ¶39-41