Nkanda Wukhambu Phasi

• Tula mu nkanda beni thalu’aku yi telefoni voti sudikisa nzo’aku mwingi mutu beni kabaka bu kuvanina mvutu na kutomba. Ngye kumona ti busa fwana ko kutula thalu yi telefoni’aku voti kusudikisa nzo’aku, wulenda dinda bakulutu ba kimvuka ba kuvana nswa mwingi wusudikisa Nzo yi Kintinu. Vayi, WULENDI sadila ko thalu yi filiali mwingi mutu kavutudila mvutu.

• Sadila dizina di mutu beni boti wuzebi diawu. Mawu mala sadisa mutu beni kabika mwena ti byuma bantomba kunsumbisa.

• Fyongunina buboti phila wube sonikina bikuma ayi bidimbu bi kuvundila boti bibe fwana voti ndamba. Nkanda wufweti ba wudyodila mu khamu mvindu. Ngye kusonikina wawu mu myoko, bisona bifweti visuka buboti mu khambu phasi kutanga. Bika kusadila bikuma bingolo beni voti bikhambu monisa lukinzu.

Nkanda beni wufweti ba mambu amama mankinza. Masinsundula ko ti kadika thangu wunkwiza sonikanga nkanda kwidi mutu va kizunga kyaku, wufweti vutukilanga kadika kikuma. Vayi, sonikina wawu mu phila yilenda kusadisa kusudikisa makani widi, mu kutala zitsatu ayi bikhulu bi batu va kizunga kyaku.