Sadila Mbonosonu yi Masolo

Tona mu Ngonda Yitheti, mvu 2018, va busu bu thuadusulu Nzingulu ayi Kisalu Kitu ki Buklisto, vatona kukuizanga Mbonosonu yi Masolo. Buidi tufueti sadila ziawu?

Boti kiyeku tuidi mu kimvuka: Ngie wufueti sadila kiuvu, matangu ma Kibibila ayi kiuvu ki phutukulu kidi mu Mbonosonu yi Masolo. Vayi mawu masinsundula ko ti wufueti landakana mamoso dedi bo wummuena mu video yi Mbonosonu. Ngie wulenda vangila kiyeku kiaku mu phila yinkaka. Mvandi, wulenda sadila bilongulu tuidi, kheti masi ko mu nkanda wu thuadusulu.

Boti mu kisalu ki kusamuna tuidi: Mu Mbonosonu yi Masolo, munkuizanga mambu mamboti tulenda sadila mu kisalu ki kusamuna. Boti mutu beki nzo, bevua nkinza ayi wuntomba kubue zaba mawombo, buna bika kiuvu ki phutukulu. Ngie ḿba wulenda balula nkadu phila yi kuvanina kimbangi kidi mu thuadusulu voti kuvangila mawu phila yinkaka. Buidi wummuena va nsengi’aku; bulutidi buboti kusadila Mbonosonu yi Ngonda yibedi? Voti balenda luta vua nkinza ngie kutubila mambu madi mu kumonika va nsengi’aku? Ngie wulenda sadila mambu batu va nsengi’aku balenda vua nkinza. Boso kuandi wulenda sadila Mbonosonu yi Masolo, fueti zaba ti diyindu dilutidi mfunu didi, kusamuna zitsangu zi Kintinu.’—1 Kolinto 9:22, 23.