Buidi bu Kusadila Mbonosono yi Masolo?

Nnanga Wukuikama wunsalanga beni muingi kukubika zimbonosono zi masolo ayi zikhomba bambakanga beni ndandu mu kusadila ziawu mu kisalu ki kusamuna. Mu kuzaba ti mambu madi disuasana mu kadika kibuangu, minsamuni balenda sadila mu kisalu ki kusamuna zimbonoso zi masolo zinkuiza sadisa batu va kinzunga kiawu kuvua nkinza kiedika. Vayi boti vadi kisalu kimfunu kinkuiza vangimina mu mangumba, buna baboso bafueti landakana zithuadusulu bamvana. Makani mitu madi ma kuvanga kisalu Yesu ka tubikila, ki kusamuna zitsangu zimboti matedi Kintinu.—Matai 24:14.

Bo zikhomba bamvanga biyeku biawu mu lukutukunu, bawu bafueti landakana mbonosono yi masolo yidi mu thuadusulu yi lukutukunu Nzingulu ayi Kisalu Kitu ki Buklisto. Vayi, ba kuvana nsua, bosi minsamuni balenda sadila kuawu kiuvu kinkaka, lutangu lunkaka lu Kibibila ayi kiuvu kinkaka ki phutukulu, kinluta tuadisa ndandu va kizunga kiawu. Phila ayoyo yimona yi kuvisila mambu, yinludika mambu masonama mu thuadusulu yi zikhutukunu yi Ngonda Yinsambanu, mvu 2020 tsielu 8.