Sadila Zivideo Mwingi Kulonga Minlonguki Myaku mi Kibibila

Bimona mesu binsadisanga mutu kaluta visa ayi kutebuka moyo mambu kabe longuka. Yave, Nlong’itu Wulutidi, wusadila bimona mesu mwingi kulonga malongi mankinza beni. (Ngenesi 15:5; Yelemia 18:1-6) Yesu Nlongi Wumboti mvandi wusadila bimona mesu. (Matai 18:2-6; 22:19-21) Kimweka mu bimona mesu kimvuka ki Yave kinluta sadila ayi kintwadisa beni ndandu, zidi zivideo. Ngye widi mu kusadila buboti zivideo mu kulonga minlonguki myaku mi Kibibila?

Kumi di bimona mesu bakubika mwingi kutusadisa kulonga mu kusadila mwa buku Zi Nsangu Zyaku Zimboti zi Fumini Kwidi Nzambi. Kadika video, yitedi kyuvu ki nomba kidi mu mwa buku beni. Mu mwa buku beni yidi mu khondi mayo, mwidi tsudukusu yi tutebula moyo thangu mbi tufweti monisa kadika video. Mvandi, vadi zivideo zinkaka mu bilongulu bitu bi ndongukulu zidi mu Bilongulu Tunsadilanga Mwingi Kulonga.

Widi mu kutubila mambu madi mu Kibibila nlonguki’aku kalenda mona phasi kuvisa? Voti, nlonguki’aku widi mu kuvyokila mu zithotolo? Tomba zivideo zidi mu khond’itu mayo jw.org® ayi mu JW Broadcasting® mwingi wubakula video yilenda kunsadisa. Ḿba wulenda mona yimweka va kimweka na nlonguki’aku ayi kutubila yawu.

Kadika ngonda, zivideo zimona zimbwelamanga mu khondi mayo. Bo wuntala ziawu, yindula bwidi wulenda sadila ziawu mu kulonga bankaka.