Mbi Tulenda Longuka mu Minkunga Mitu?

Minkunga mbi mi Broadcasting ngie wuluta zolanga? Kibila mbi? Mu ngiewu, mambu mammonikanga mu zivideo zi minkunga mammonisanga mambu mammonikanga mu lumbu ka lumbu? Tuidi minkunga batu boso balenda zola ayi mintu mi mambu miviakana. Kheti bobo, minkunga mi zivideo midi mu Broadcasting misi ko to mi kuviokisila thangu.

Minkunga mioso milenda tulonga mambu mankinza tulenda sadila mu luzingu luitu ayi mu kisalu ki kusamuna. Minkunga minkaka mintubila matedi kuyamba zinzenza, kithuadi, kinkundi, kibakala, luzolo ayi kiminu. Minkaka mintubila matedi kuvutuka mu mioku mi Yave, kuba nkua nlemvo, kuvanga mambu masulama kadika kilumbu ayi kuvanga mangolo muingi kusikika makani mu mambu ma Nzambi. Tuidi mvandi nkunga wumueka wuntubila phila yisulama yikusadila zitelefoni. Mambu mbi mankaka wulonguka mu minkunga midi mu Broadcasting?

TALANU VIDEO YINKUNGA YINTUBA MEKA NDUKA KUSALAMA, BOSI VANA MIMVUTU MI BIUVU BINLANDA:

• Lusakumunu mbi biboba tumueni mu video badi mu kuyindula?—Ngenesi 12:3

• Buidi tulenda buedila kiminu ti Yave wala vanga mambu moso kakanikisa?

• Banani tunkuiza vutuka kubue mona mu thangu yiluelu?

• Buidi kivuvu tuidi mu Kintinu ki Nzambi kilenda tusadisila kukindama mu mambu tumviokilanga?—Loma 8:25