Vua Nkinza Mabanza ma Bankaka

Kuvuanga nkinza mabanza ma batu, kunsundula kuvisa mayindu mawu, mabanza mawu ayi zitsatu ziawu. Batu bamvisanga boti befu tuidi kifu ki kusadisanga bankaka. Bo befu tumvuanga nkinza mabanza ma batu mu kisalu ki kusamuna, befu tummonisanga luzolo ayi lukiebu lu Yave ayi mawu mamvanganga muingi bawu bamfikama.—Filipi 2:4.

Befu tuvuanga ko nkinza mabanza ma batu bankaka muingi tubaka toka bu kuba longila. Tummonisanga ti tumvuanga nkinza mabanza ma bankaka mu phila tunkuwila, tunkolukila ayi mu phila tunyikunina binama voti tummonisina mabanza mitu. Bo befu tumvuanga nkinza mabanza ma batu bankaka, befu tunyindulanga biuma bantomba, mambu bankikininanga ayi mambu bamviokila mu luzingu. Befu tunlonganga batu malongi malenda kuba sadisa mu luzingu luawu, vayi tuba kuikanga ko kusadila mawu. Bo batu bankikininanga mambu tukubalonga, mawu mambuelanga mayangi mitu mu kisalu ki kusamuna.

TALANU VIDEO BAKA MAYANGI MU KUVANGA MINLONGUKI BUELA PISUKA MU KULONGA—VUA NKINZA MABANZA MA BANKAKA. BOSI, VANANU MIMVUTU MI BIUVU BINLANDA:

• 

  Buidi Ana kabe monisina ti bevua nkinza mabanza ma Jade bo nandi kakhambu vitila mu thangu yifuana?

• 

  Buidi Ana kabe monisina ti bevua nkinza mabanza ma Jade bo kabe tuba ti kasa bako wukubama muingi kulonguka Kibibila?

• 

  Buidi Ana kabe monisina ti bevua nkinza mabanza ma Jade bo kabe tuba ti kasiko kifu ki kuludikanga biuma?