Vitika Lusalusu lu Yave mu Nzila Nsambu

Yave nandi wumvanganga kiedika kimena mu ntima wu mutu. (1 Kolinto 3:6-9) Diawu muingi tubaka ndandu mu kisalu ki kusamuna vantombulu lusalusu lu Yave ayi kuvanga mangolo mu ndongukulu’itu yi Kibibila.

Dinda kuidi Yave muingi kasadisa nlonguki’aku wu Kibibila kanunga zithotolo ayi bikaku bioso kandengana. (Filipi 1:9, 10) Bo wunsambila dinda muingi phevi yinlongo yikusadisa kuyala mayindu maku ayi mavanga maku. (Luka 11:13) Longisa nlonguki’aku wu Kibibila buidi bu kusambidila ayi nkindisa kavanganga mawu. Natanga nlonguki’aku wu Kibibila mu minsambu, bo wumvanga mawu sadilanga dizina diandi.

TALANU VIDEO BAKA MAYANGI MU KUVANGA MINLONGUKI—VITIKA LUSALUSU LU YAVE —NSAMBU, BOSI VANANU MIMVUTU MI BIUVU BINLANDA:

• Bikaku mbi Ana kadengana mu ndongukulu’andi yi Kibibila na Jade?

• Buidi matangu madi mu 1 Kolinto 3:6 masadisila Ana?

• Mbi kavanga muingi kununga bikaku beni?