WUKIVANA MU KISALU KI KUSAMUNA | BAKA MAYANGI MU KISALU KI KUSAMUNA
Sadisa Minlonguki Miaku mi Kibibila Kununga Bifu Bimbi
Batu badi zikhadulu zimboti, bawu to balenda ba kikundi kifikama na Yave. (1 Petelo 1:14-16) Bo minlonguki mi Kibibila bannunga bifu bimbi, bawu bambakanga ndandu va dikanda, buvinya bumboti ayi bansadilanga buboti zimbongo.
Nsudikisa zithumu zi Yave, kibila kafueti landikinina ziawu ayi ndandu kala baka na kulandakana ziawu. Sikika mayindu maku mu kusadisa nlonguki’aku kubalula phil’andi yi kuyindudila ayi mavanga. (Efeso 4:22-24) Wuba kindisa ti mu lusadusu lu Yave, bawu balenda nunga kubika bifu bimbi. (Filipi 4:13) Wu balonga balombanga lemvu wu Yave bo bamvola disumu dingolo. Wu basadisa bazaba mambu malenda kuba nata kusumuka. Wuba kindisa ba balula bifu bimbi mu kuvanganga mambu mankuiza ba sadisa kuba kiphevi kimboti. Mu phila ayoyo, ngie wala ba mu mayangi mu kumona nlonguki wu Kibibila kubalula nzingulu’andi mu lusadusu lu Yave.
TALANU VIDEO SADISA MINLONGUKI MIAKU MI KIBIBILA KUNUNGA BIFU BIMBI, BOSI VANANU MIMVUTU MI BIUVU BINLANDA:
Mbi bakulutu ba kimvuka bavanga bo bayuwa ti Jade kasa nunga ko bifu bioso bimbi?
Buidi Ana kabue sadisila Jade?
Buidi Jade katombila lusalusu lu Yave?