WUKIVANA MU KISALU KI KUSAMUNA | BAKA MAYANGI MU KISALU KI KUSAMUNA
Longa Minlonguki Miaku mi Kibibila Muingi Bayonzuka mu Kiphevi
Muingi kukonzuka mu kiphevi, minlonguki mi Kibibila balendi kuangalala ko to mu mambu tuba longa, vayi bawu mvandi bafueti longuka kudukisa zitsatu ziawu veka zi kiphevi. (Matai 5:3; Ebeleo 5:12–6:2)
Tona va thonono longisa minlonguki miaku mi Kibibila bakubikanga kadika ndongukulu ayi wuba kindisa kuvanga mawu. (mwb18.03 6) Bakindisa bavanganga nsambu bo bamvanga ndongukulu’awu. Basadisa kusadila bisadulu bi kutomba bidi mu khond’itu mayo bo bankubika ndongukulu’awu. Wuba sudikisa buidi balenda nungina kumona mambu mamona madi mu jw.org ayi mu JW Broadcasting®. Malembi malembi wuba kindisa batanganga Kibibila kadika kilumbu, kukubikanga zikhutukulu ayi kufiongunina mimvutu mi biuvu biawu. Wuba sadisa bayindulanga mu mambu banlonguka.
TALANU VIDEO SADISA MINLONGUKI MIAKU MI KIBIBILA BAYONZUKA MU KIPHEVI, BOSI VANANU MIMVUTU MI BIUVU BINLANDA:
Mbi Ana kavanga muingi kusadisa Jade kuvisa ti ndongukulu yi Kibibila yisinsundula ko to kuvana mimvutu?
Mbi bisadisa Jade kuba lufiatu ti Yave widi bibila bimboti muingi kukandimina kitsuza?
Longisa nlonguki’aku buidi kalenda wuesila ntima ayi kilunzi kiandi mu mambu kadi mu kulonguka
Mbi Jade kavisa matedi kubotulanga thangu muingi kuyindula mu mambu kadi mu kulonguka?