Ngie Widi Wukubama mu Moso Kua Mambu Malenda Monika mu Bilumbu Abibi Bitsuka?

Bo tuidi mu kue fikamanga ku tsukulu nza ayiyi, befu tuzebi ti mimvita ayi buphunya biala kue buelamanga. (Nzaikusu 6:4) Buidi tulenda kubimina mu mambu maphasi mankuiza?

• Kubama mu kiphevi: Bakula minsua mi Kibibila ayi binongo bilenda kindisa lufiatu luaku mu Yave ayi mu kimvuka kiandi. Biawu binkuiza kusadisa kuba wuvasuka mu mambu ma nza. (Zingana 12:5; jr 125-126 ¶23-24) Ayiyi yawu thangu tufueti kuna kikundi kingolo na zikhomba mu kimvuka.—1 Petelo 4:7, 8

• Kubika biuma bintombulu: Sola kibuangu kifuana kio wufueti tinina ayi kubika muchila wufueti tula bidia bikhambu bolanga, nlangu, bilongo ayi biuma binkaka binkinza. Mvandi zaba buidi bu kubasikila ku nzo muingi wuvitila va kibuangu kinsika. Thangu ka thangu fueti fionguninanga biuma wusueka mu muchil’aku muingi wuzaba boti vankuiza tombulu binkaka dedi: biuma bi kuyikiebila ayi zimbongo. Zaba buidi wulenda kolukila na bakulutu ba kimvuka muna thangu ayi fiongunina boti bawu badi thalu’aku yi telefone.—Yesaya 32:2; g17.5 3-7

Mu thangu mambu mammonika: Tatamana kukindisa kiphevi kiaku. (Filipi 1:10) Boti vasintombulu ko ngie kukuenda va kibuangu kinkaka, buna tatamana vo widi. (Matai 10:16) Kabila bankaka bidia ayi biuma binkaka widi—Loma 12:13.

TALANU VIDEO KUSADISA BA MONIKINI KIVUKA. BOSI VANANU MIMVUTU MI BIUVU BINLANDA:

• Buidi Yave katu sadisilanga mu thangu tummonikina bivuka?

• Buidi tulenda kubimina mu mambu maphasi mankuiza?

• Mu ziphila mbi zitatu tulenda sadisila zikhomba zitu bammonikina bivuka?