Tatamana Wukubama mu Moso Kuandi Mambu Malenda Monika mu ‘Bilumbu Abibi Bitsuka’

Bo tuidi mu kuzingila mu kitini kitsuka ki ‘bilumbu bitsuka’, tuzebi ti mambu maphasi mala tatamana kumonika ayi mawu mala kebuelamanga. (2 Timoteo 3:1; tala mvandi Matai 24:8, nwtsty) Mu thangu dikabu di Yave bammonikinanga bivuka, bawu bantambulanga zithuadusulu mu thangu yifuana, zilenda kuba sadisa kukieba luzingu luawu. Vayi, muingi tuvuka mu mambu amomo, tufueti kubama bubu, mu kiphevi ayi kukubika biuma binkaka binkinza.—Luka 16:10.

• Kubama mu kiphevi: Ba kifu ki kutanganga Kibibila ayi ki kuvanganga ndongukulu’aku yi Kibibila. Longuka ziphila zimona zi kusamunina. Boti diambu dibe monika, bika kuba divunza ngie kukhambu ba va kimueka na zikhomba. (Yesaya 30:15) Ngie wala tatamana kubanga va kimueka na Yave ayi Yesu.—od 176 ¶15-17

• Kubika biuma binkinza: Mfumu dikanda kafueti sadila zimuchila muingi kusueka mua biuma binkinza buka, bidia bikhambu bolanga, nlangu, bilongo ayi biuma binkaka binkinza muingi kusadila va kutombulu basuama va kibuangu kimueka mu mua thangu.—Zingana 22:3; g17.5-T 4, 6

TALANU VIDEO KUSADISA BAMONIKINI KIVUKA, BOSI VANANU MIMVUTU MI BIUVU ABIBI:

• 

  Buidi tulenda bela bakubama befu kumonikina kivuka?

• 

  Kibila mbi tufueti:

  • zabikisilanga thalu’itu yi telefoni kuidi bakulutu ba kimvuka?

  • kubikilanga biuma binkinza?

  • fiongunina mintindu mbi mi bivuka bilenda monika va kizunga kitu ayi mbi tunkuiza vanga bia kumonika?

• 

  Mu ziphila mbi zitatu tulenda sadisila bankaka, ba kumonikina kivuka?

WUKIYUVUSA, ‘Mambu mbi kivunga ki Covid-19 kilenda kundonga matedi kubanga wukubama?’