ZINGILA MU BUKLISTU
Tomba Kuzaba Phila Yave Kanyindudilanga
Tuntomba kukuangidika Yave mu mamoso tumvanga. (Zinga. 27:11) Muingi tununga kuvanga mawu, tufueti baka makani mammonisa mayindu ma Nzambi kheti vasi ko nsiku wunsudikisa buboti mambu beni. Mbi bilenda kutusadisa kuvanga mawu?
Tatamana Kulonguka Kibibila. Kadika khumbu tuntanga Kibibila, buka befu tumviokisa thangu na Yave. Tulenda longuka matedi phila yi kuyindudila yi Yave mu kumona phila kakiebila dikabu diandi ayi kumona bifuani bi batu bavanga mamboti voti mambi. Boti tuntomba kubaka makani mankuangidika Yave, phevi yinlongo yilenda ku tutebula monho malongi mamfunu ayi minsua tulonguka mu Diambu di Nzambi.—Yoa. 14:26.
Fiongunina. Ava wubaka makani, wukiyuvusa: ‘Lutangu mbi voti kinongo ki Kibibila kilenda kutsadisa kuzaba mayindu ma Yave matedi mambu amama?’ Sambila kuidi Yave ayi sadila bisadulu bi kutomba bi kimvuka, bidi mu mbembu’aku muingi wubakula minsua mi Kibibila milenda kusadisa mu mambu wumviokila.—Minku. 25:4.
TALANU VIDEO ‘DUMA ZITHINU MU KHAMBU VONGA’—LONGUKANGA MAMBU MAPHINDA, AYI VANANU MIMVUTU MI BIUVU BINLANDA:
Mambu mbi khomba mu video kabe viokila?
Boti widi mu kuviokila mu mambu dedi mo khomba ayoyo kaviokila, buidi bisadulu bi kutomba bilenda kusadisila?
Buidi kuvanganga ndongukulu yi Kibibila yi ngie veka ayi kusadila bisadulu bi kutomba bilenda kusadisa kubaka makani mambote?—Ebe. 5:13, 14