Ngie Widi mu Kusadila Buboti Matangu ma Kibibila Masueku mu Fono?

Mbi bio matangu ma Kibibila masueku mu fono? Madi matangu ma Kibibila mu tsekudulu yi Tradução do Novo Mundo. Bankundulanga mawu nkadu nkadu mu zimbembo ziwombo. Mambu malutidi mfunu mu matangu ma Kibibila masueku mu fono madi bansadilanga zikhomba ziviakana muingi batanga batu baviakana bantubila mu kinongo beni. Bantangilanga mu mbembu yifuana muingi ku tusadisa kuvisa mambu tuntanga.

Ndandu mbi bankaka bambakanga mu matangu ma Kibibila masueku mu fono? Bawombo bansadilanga matangu ma Kibibila masueku mu fono, bantubanga ti mawu mambuela nhevisa Diambu di Nzambi. Bawu bantubanga ti kukuwa batu baviakana kutanga kadika mutu bantubila mu kinongo ma kuba sadisanga kuvisa kinongo kioso ayi kuyindula mu mambu bantanga. (Zingana 4:5) Bawombo bantubanga ti kukuwa matangu ma Kibibila basueka mu fono, ma kuba sadisanga kuvumbika mabanza.—Minkunga 94:19.

Kukuwa Diambu di Nzambi dintangulu mu mbembu yinangama, kulenda tusadisa mu luzingu luitu. (2 Lusansu 34:19-21) Boti matangu ma Kibibila masueku mu fono madi mu mbembu wunkolukanga voti mu mbembu wumvisanga, wulenda sadila mawu mu matangu maku ma Kibibila ma kadika kilumbu?

TALANU VIDEO MATANGU MA KIBIBILA MASUEKU MU FONO—KITINI, BOSI VANANU MVUTU WU KIUVU KINLANDA:

Mbi bikuvanga kukuituka matedi matangu ma Kibibila masueku mu fono?