Sadila mambu bantulanga va thonono JW.ORG mu kisalu ki kusamuna

Va thonono khond’itu mayo, bamana tula malongi ayi zivideo bankubikilanga batu bakhambulu Zimbangi zi Yave. (Mava. 13:48) Mawu manluta tubilanga beni matedi mambu madi mu kumonika, voti mo batu badi mu kuluta tubila beni.

Buidi wulenda sadila mambu bantulanga va thonono jw.org mu kisalu ki kusamuna?

• Kotanga beni mu khond’itu mayo. Talanga mambu bantulanga muna ayi mona buidi wulenda sadila mawu muingi kusadisa batu balenda vua nkinza. (Muingi wumona malongi mankaka mabedi va thonono khond’itu mayo kota vo basonika “Tala Mambu Mankaka.”) Ngie kukotanga beni mu khond’itu mayo, wala bakanga mambu mawombo mamboti muingi kusadila bo wumvana kimbangi.

• Sadila malongi ayi zivideo bantulanga va thonono khond’itu mayo muingi kutona masolo. Mawu malenda kusadisa kuzaba mambu mbi madi mu kutatisa batu va kizunga kiaku.

• Monisa thonono yi khond’itu mayo kuidi batu. Monisa malongi makinza madi muna ayi monisa kuidi mutu, buidi kalenda bakudila mawu.

• Fila nzila voti link. Batu bankaka, batianga ko kukoluka yitu, vayi balenda tomba kukota mu khond’itu mayo. Diawu bika mona dibamu kufila nzila voti link yi khond’itu mayo. Wulenda fila mvandi zivideo voti malongi madi muna kuidi batu bamvua nkinza