Ngyewu Widi mu Kusadila Buboti Nkanda wu Kukotisila Batu mu Khond’itu Mayo JW.ORG?

Kuzaba ti thangu yi khufi yisyedi, ziphasi zinneni zyambelama kutona, kisalu ki kusamuna kifweti luta vangimina mu nswalu. (Zingana 24:11, 12, 20) Mwingi kusadisa batu, tulenda sadila nkanda wu kukotisila batu mu khond’itu mayo mo balonguka mambu ma Nzambi madi muna. Mu nkanda beni mwidi kiswekulu QR kilenda kunkotisa mu nkond’itu mayo mwingi kamona video yintuba Kibila mbi Tufweti Longukila Kibibila? ayi mwidi mintanda kalenda dindila ndongukulu yi Kibibila. Batu bankaka batyanga ko kutambula bilongulu bitu vayi bantyanga beni kukota mu khond’itu mayo. Diawu tulenda kwandi kuba kabudila nkanda wu kukotila mu khond’itu mayo, vayi boti mutu beni kasa monisa ko nkinza mu kuzaba kyedika, muna tubika kunkabudila nkanda beni.

Boti be basika mu mambu maku, ḿba wulenda dengana mutu widi phwila yi kuzaba kyedika; ayi wulenda kunkamba: “Tala, kyuma yidi yintomba kukabila – nkanda awuwu wulenda kukotisa mu khond’itu mayo. Muawu wulenda mwena zi video ayi malongi mawombo mankinza.” (Yoane 4:7) Bo midi kwandi minkanda milwelo, ḿba wulenda nata miwombo kosokwa vama wunkwenda mwingi kukabula kwidi batu bawombo.