MALONGI 28

Mbi Wulenda Mona mu Nzil’itu yi Khondi Mayo?

Nkyetu mweka widi mu kubila mimvutu mu computador’andi — Tsi yi França

Dikanda dimweka badi mu kusadila computador — Tsi yi Polônia

Nkyetu mweka widi mu kutala video mu mbembu yi mababa mu internet — Tsi yi Rússia

Yesu Klisto wukamba miǹlonguki myandi: ‘Bika kyenzulu kyeno va thadisi bantu, phasi bamona mavanga meno ma mboti ye kembila tat’eno diena mu mazulu.ʼ (Matai 5:16) Diawu tuǹsadilanga mboti tecnologia ayi khondi mayo ntangu’ayiyi. Nzil’itu mu khondi mayo, jw.org, tho zitsangu ziǹzabikisa matedi kiminu kitu mu klisto ayi kisalu ki Zimbangi zi Yave. Mbi wulenda bakula mu nzil’itu yi khondi mayo?

Mimvutu mi byuvu batu bawombo baǹkuvulanga. Wulenda bakula mimvutu mi byuvu biluti ǹkinza. Buka Bukyedika ti Ziphasi Zyala Mana? Bukyedika Kwandi ti Bafwa Balenda Bwe Zinga? Mimvutu mindi mvandi mu khond’itu mayo yeka kuvyoka 600 di zimbembo. Ngyewu ḿvaku wulenda tanga Tradução do Novo Mundo yi masekulu mu kuvyoka 130 di zimbembo ayi bilongulu biǹkaka bilenda kusadisa kuvisa mboti Kibibila, banga buku Mbi Kibibila Kilenda kutu Longa? ayi zilevista zi ngonda ka ngonda Kibanga ki Nsungi ayi Despertai! Bilongulu abyobyo biǹkaka wulenda kuwa biawu mu fono voti kulula biawu mu MP3, PDF, ayi EPUB. Wulenda kwaku basisa zi nsyelo zi matanga madi mu zimbembo ziǹkaka mwingi wu vana badi mawu ǹkinza. Bilongulu mu bimona meso, bima vyoka sekulu mu 20 ma zimbembo zi myoko. Wulenda kulula matanga ma Kibibila madi mu fono, madi mu bifwani, ayi miǹkunga mi mboti mi wulenda kuwa mu thangu yi wuḿvuvisila.

Zitsangu zi kyedika zitedi Zimbangi zi Yave. Tubwe tulanga zitsangu zimona ayi bimona meso biǹtubila kisalu kitu ki kusamuna mu nza yimvimba, ayi maǹkaka matedi Zimbangi zi Yave na mangolo ma tuḿvanganga mu kusadisa batu ba monokono kivuka. Wulenda zaba matedi zikhutukunu zi mavula ziǹkwiza ayi zaba zi tsangu zitedi zi beteli ziǹkaka.

Ziawu Ziphila zi kyenzudila kyedika mu nza yimvimba. Batu boso mu nza yimvimba badi mu kubaka lusalusu na badi ku Antártida. Twidi mu kusambila “phasi mambu ma [Yave menda] ntinu” mu nza yimvimba mwingi kukembisa Nzambi.—2 Tesalonika 3:1.

Bwidi nzil’itu yi nkondi mayo jw.org yidi mu kusadisila batu mu longuka kyedika ki Kibibila?
Mbi tidi kumona voti kukulula mu nzil’itu yi khondi mayo?