KIUKA KIDI MU DIAMBU DI NZAMBI

“Luzolo Lukuikama lu Yave, lu Tukiebanga mu Luvunu Lu Satana”

Satana kantomba muingi batu bayindula ti Yave, nandi wuntuadisanga mambu mambi (Yobi 8:4)

Nandi kantomba tuyindula ti Yave kavuanga ko nkinza lukuikumunu luitu mu Nandi (Yobi 9:20-22; w15 1/7 12 ¶3)

Luzolo lukuikama lu Yave, lu tusadisanga kutatamana bakuikama kuidi nandi ayi kubika bua mu luvunu lu Satana (Yobi 10:12; Minku. 32:7, 10; w21.11 6 ¶14)

Khomba yinkietu wunsonika ayi wunyindula lusakumunu loso kamana tambula mu ziphila ziviakana. Zifoto zinkaka zimmonisa bakuela bamueka bannata bidia kuidi khomba beni, khomba wunkaka wu kumbumba ku Nzo Kintinu, Ayi nandi widi mu kutala JW Broadcasting.

MEKA KUVANGA DIAMBU ADIDI: Muingi wukindama mu zithotolo widi mu kuviokila tomba kubakula ziphila Yave kadi mu kusadisila, sonika ziawu ayi vutukilanga kutanga mawu bumviokila thangu.